Долбоор жөнүндө

Долбоордун максаты:
Активдүү жарандардын коомдогу курч маселелер жөнүндө маалыматты ала билүүсү жана аны оңго чечүүгө түрткү берүүгө мүмкүнчүлүгүн арттыруу.

Долбоордун милдети:

1. Борбордук жана регионалдык деңгээлдеги активдүү жана ой-калчамы терең жарандардын өндүрүмдүү кызматташтыгын уюштуруу;
2. Тилектеш жарандарды коомдогу орчундуу маселелерди көтөрүп чыгып, анын чечилишине түрткү кылуу процессине катыштыруу;
3. Аймактардын керектөөлөрүн эсепке алган маалыматтык продукцияны жаратып, өнүктүрүү;
4. Интернет-сайтты эксперттер үчүн элдик саясат жаатындагы аналитикалык ресурсу катары күчтөндүрүү.

Долбоорду ишке ашыруу жолу:

1. Маалыматтык - аналитикалык www.open.kg интернет-сайты;
2. «Ачык Кыргызстан» жана «Аймакты көздөй» телеберүүлөрү.

www.open.kg интернет-сайты түрдүү топтогу адамдарды кызыктырган актуалдуу, ар кыл темаларды эркин талкуулоого арналып, жергиликтүү жана чет элдик аналитикалык продукциялар менен таанышууга мүмкүнчүлүк берет.
Талкуулоо процесси сайтка дискуссиянын катышуучуларынын түркүн ой-калчоолору, көз-караштары, эксклюзивдик интервьюлары ошондой эле жергиликтүү жана чет элдик эксперттик көз караштар менен жыйынтык ойлор аркылуу уюшулуп, аймактагылардын баарын талкуулоо процессине чакырат.

Сайт үч тилде чыгууда: орусча, кыргызча жана англисче.

Телеберүүнүн багыты:

• Телеберүүлөрдүн сапатын кардардын кызыкчылыгын эске алуу менен көтөрүү жана телеберүүнүн жаңы форматтарын жасоону уюштуруу (репортаждар, сюжеттер, аймактан алынган олуттуу интервьюлар). Айына кеминде үч телеберүү чыгаруу;
• Жасалган телеберүүлөрдүн максаттуулугун текшерип, кайра байланышты жолго салуу.

Телеберүүнүн форматы:

Биринчи форматы: Жанр боюнча - маалыматтык-аналитикалык «Ачык Кыргызстан» ток-шоусу.
Форматы боюнча: Алып баруучу, 4 негизги каарман, алардын ичинен 2 эксперттик коомчулуктун өкүлү, 2 көтөрүлүп жаткан маселенин каарманы жана 15-20 адам ошол темада ар түрдүү кызыкчылыгы барлардан болушу керек. Телеберүү киришүү сюжетти, блиц-суроону, эксперттин оюн камтып, мамлекетчилдик мүнөздөн турушу зарыл.

Эфирдеги версиясы – 30 мүнөткө чейин. УТРКдан график боюнча бир айда эки жолу, кыргыз, орус тилинде берилет.

Экинчи формат: Жанры боюнча – «Аймакты көздөй» атайын репортажы.
Форматы боюнча – маалыматтык-агартуучулук: журналист жергиликтүү деңгээлдеги маселени сунуштап, көңүл бурдуруп, ошол маселени ичинен билгендерден сурамжылоо жүргүзүшөт: маектешет, репортаж, сюжет тартышат.
Телеберүүнүн ортоңку бөлүгүндө көтөрүлгөн маселе боюнча мамлекеттик органдын өкүлүнүн интервьюсу берилет.
Көтөрүлгөн маселени талкуулоо үчүн кайдыгер эмес, активдүү жарандар, жергиликтүү коомчулуктун өкүлдөрү, эксперттердин тобу, министрликтер тартылышат.

Эфирдик версиясы - 30 мүн. УТРКдан график боюнча бир айда бир жолу, кыргыз тилинде берилет.